Ñaawoore Aliou Bah: Mbele ñaawoore makko ina addana mutinaaɓe ɓee lorra?

Ñaawoore Aliou Bah, gaagaa wonde ɗum ko ƴaañorgal caggal demokaraasi, njiimaandi sariya e ƴaañgal mawngal no feewi e ndimaagu haalde, ina ɓeyda bonnude Oumar Foniké Menguè Sylla, Billo Bah, Habib Marouane Camara, Saadou Nimaga e ma a taw won e yimɓe ɓe nganndaaka inɗe mum en yimbe. Ɗum firti ko hay gooto fotaani hannde tuumaade dowla oo kala ko ina addana ɓe nanngude ɓe e majjude ɓe. Ko wayi no gooto fof ina doga e miijo ngo jaagorɓe ɗiɗo Ƴanngal-waylo ngon holli. En potaani miijaade, en potaani hiisaade, en potaani waɗde kala sifaa deduction.

Jaagorgal gooto waɗiino haayre mawnde, wonaa wiyde hulɓinaare, nde o wiyi wonde mawɓe ina njogii hakke majjude, goɗɗo oo ina jokki, tawa o battinaani gite makko, wonde ko ɓe bonɓe ɓoorniiɓe comci konu ngam waɗde golle njulaagu, wonde Ɗumɗoo ko sifaa keso e bonanndeeji.

Hol ko mbaaw-ɗen wiyde noon e seedanteeje jokkondirɗe e ngonkaaji nanngugol tato adanɓe ɓee ? Mbele ɗe njedditaama no feewi? Seedeeji ɗiin nanngugol kaaldii e peeñcu. Ɓe meeɗaa sunaade.

Kono jooni hay gooto fotaani yewtude fii nden toɓɓere. To baŋŋe nulal, ɗum waawataa ɓurde laaɓtude (njaggun feeñii).

Kono tan, haɗde ɓiyleydi wiyde wonde Dawla ko kañum woni gadano, hay so tawii ko kañum tan woni ko toppitii kisal yimɓe e jawdi mum en. Oumar Sylla ganndiraaɗo Foniké Menguè, Mamadou Billo Bah, Habib Marouane Camara, Saadou Nimaga ina waɗaa jinnaaji, maa kulle, kono ɓe woni e heddoraade ko ɓiɓɓe leydi Gine poomaa.

Dawla ina jogii fartaŋŋe e maɓɓe to baŋŋe kisal e hakkeeji e ndimaagu goɗɗi. Ko noon wonande denndaangal ɓiɓɓe leydi Gine haa arti noon e jananɓe hoɗɓe e leydi Gine to baŋŋe won e hakkeeji e ndimaagu.

Ɗum ko Aliou Bah yiɗnoo haalde e mbaadi keeriindi. Kono ko yahdu bonndu e makko. Ko wayi no njiɗ-ɗen ko haala makko wona yeru wonande woɗɓe yiɗɓe ɓadtaade ndeeɗoo toɓɓere e konnguɗi gooti. E nder ɗuum, en alaa kabaaru banndiraaɓe men ko ina wona lebbi. Silmude e yejjiteede ina ndokkee. Aɗa wondi e mette, kono a haɗaama hollirde mette maaɗa. Ko ɗoo wonɗen.

Maître Mohamed Traoré