Cellou Dalein Diallo: « Meɗen njiɗi lamndaade yahdu laamu konuŋkooɓe ɓen …»

E nder mbatu kuuɓtodinngu UFDG ñalnde 28/12/2024 to mbatirdu Commandayah, Cellou Dalein Diallo, e nder eggudu ka njananiri, weeɓitii fonndo makko. Ardiiɗo fedde UFDG nden ina torii daraniiɓe ɗum nde njaabotoo noddaango seppuru ndu Forces Vives de Guinée eɓɓi ñalnde 6/1/2025.

« Doole huuɓtodinɗe ɗee fuɗɗiima wiyde, caggal nde taskii wondema denndaangal jokkondire ɗe junngo laamu nguu waɗi nde heɓi laamu nguu e denndaangal jokkondire wonɗe e sartiiji mbayliigu nguu bonnaama. Ko ɓuri 60 sukaaɓe waraama fii tam hiɓe njiɗi huutoraade hakke winnditiiɗo e nokku moƴƴo.

UFDG ina foti wallitaade e ndee hare fii jaabaade ƴantooje maɓɓe e meɗen njiɗi lamndaade yahdu laamu konuŋkooɓe ɓen, sabu ngu teddinaali hay ƴantoore wootere.

O ɗon foti ndaarde no feewi, wonaa haala huutoraade doole, wonaa haala bonnude otooje, wonaa haala njanngude huutortooɓe e hoɗɓe takko laawol ngol. Ko hollirde wondema en mbeltaaki (…) Wota hay gooto tampir ɗee tooñe njaggu ngaayngu jojjanɗe neɗɗanke.

Sukaaɓe cappanɗe-njeegoo (60) waraama e nder mun. Hakkee neɗɗanke arano ko hakkee nguurndam. Ngol jaggugol yimɓe mutina ɓe, no haani saleede, dartoree cuusal, e ƴettude nawaare hertiinde huutoreede e miɗo anndi eɗen waawi hoolorde UFDG », ɓanngini Cellou Dalein Diallo.