Acciteede Aliou Bah ko yaawi ko gollotooɓe siwil e politik ɗaɓɓi

Cappanɗe e terɗe renndo siwil e lanndaaji politik to Gine, ñalnde altine, ɗaɓɓiri yo Aliou Bah, hooreejo fedde wiyeteende « Mouvement liberal démocratique » (MoDeL), accite ko yaawi, tawi ina tuuma « tooñde » hooreejo laamu konuŋkoowu.

Nanngugol makko ina maantiniri daawal kesal e nder njulaagu ndimaagu nguu, ngu laamu ngu Général Mamady Doumbouya ardii, ɓawto follude dunndaraŋkeejo biyeteeɗo Alpha Condé e coup d’État e hitaande 2021.

Aliou Bah sokaaɗo to Konaakiri o fodi jokkude hare mum. “Men kaɓan; goonga oo ko baŋŋe amen woni », ɓanngini hooreejo diɗɗal MoDeL ngal nde o yalti ñaawirdu Kaloum, o towni junngo makko adi o sutinireede ka kaso.

Nanngaa ñalnde alkamiisa nde o yahrata to Siyeraa Leyoon e gollodiiɓe makko ɗiɗo, Aliou Bah heɓii ballal 150 jannginoowo e jaayndiyanke, ɓeen e nder bayyinaango mum en, mbiyata ko nanngugol makko ngol « ko fenaande » tee ina jeyaa e politik baɗaaɗo ngam ittude luulndiiɓe ɓee e nder njuɓɓudi.

Fedde toppitiinde jojjanɗe neɗɗaŋke, nde daartoowo Kameruun biyeteeɗo Achille Mbembe wallitnoo, ñiŋii kadi ɓeydagol ŋakkeende jojjanɗe neɗɗaŋke e nder Gine, sabu ina siftina ɓeydagol warngooji e majjugol doole e nder laamu konu.

Gila konuŋkooɓe ɓen jaɓti laamu, luulndiiɓe heewɓe nanngaama, ñaawaama walla yaltii leydi ndin.